(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.156. అధ్యాయః 156
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
భీష్మేణ యుధిష్ఠిరంప్రతి బలిదీపప్రదానకథనోపయోగితయా నహుషచరితకథనారంభః॥ 1 ॥ దేవైర్వరదానపూర్వకమింద్రపదం ప్రాపితేన నహుషేణ పర్పాత్సప్తర్ష్యాదిభిః పర్యాయేణ స్వయానవాహనం॥ 2 ॥ అగస్త్యస్య తద్యానవహనపర్యాయే భృగుణాఽగస్త్యంప్రతి స్వేన నహుషస్యాధఃపాతనప్రతిజ్ఞానం॥ 3 ॥
Mahabharata - Anushaasana Parva - Chapter Text

యుధిష్ఠిర ఉవాచ।

శ్రుతం మే భరతశ్రేష్ఠ పుష్పధూపప్రదాయినాం।
ఫలం బలివిధానే చ తద్భూయో వక్తుమర్హసి॥ 13-156-1(87411)
ధూపప్రదానస్య ఫలం ప్రదీపస్య తథైవ చ।
బలయశ్చ కిమర్థం వై క్షిప్యంతే గృహమేధిభిః॥ 13-156-2(87412)
భీష్మ ఉవాచ। 13-156-3x(7315)
అత్రాప్యుదాహరంతీమమితిహాసం పురాతనం।
నహుషస్య చ సంవాదమగస్త్యస్య భృగోస్తతా॥ 13-156-3(87413)
నహుషో హి మహారాజ రాజర్షిః సుమహాతపాః।
దేవరాజ్యమనుప్రాప్తః సుకృతేనేహ కర్మణా॥ 13-156-4(87414)
తత్రాపి ప్రయతో రాజన్నహుషస్త్రిదివే వసన్।
మానుషీశ్చైవ దివ్యాశ్చ కుర్వాణో వివిధాః క్రియాః॥ 13-156-5(87415)
మానుష్యస్తత్ర సర్వాః స్మ క్రియాస్తస్య మహాత్మనః।
ప్రవృత్తాస్త్రిదివే రాజందివ్యాశ్చైవ సనాతనాః॥ 13-156-6(87416)
అగ్నికార్యాణి సమిధః కుశాః సుమనసస్తథా।
బలయశ్చాన్నలాజాభిర్ధూపనం దీపకర్మ చ॥ 13-156-7(87417)
సర్వం తస్య గృహే రాజ్ఞః ప్రావర్తత మహాత్మనః।
జపయజ్ఞాన్మనోయజ్ఞాంస్త్రిదివేఽపి చకార సః॥ 13-156-8(87418)
దేవానభ్యర్చయచ్చాపి విధివత్స సురేశ్వరః।
సర్వానేవ యథాన్యాయం యథాపూర్వమరిందమ॥ 13-156-9(87419)
అథేనద్రోఽహమితి జ్ఞాత్వా అహంకారం సమావిశత్।
సర్వాశ్చైవ క్రియాస్తస్య పర్యహీయంత భూపతేః॥ 13-156-10(87420)
సప్తర్షీన్వాహయామాస వరదానదమాన్వితః।
పరిహీనక్రియశ్చైవ దుర్బలత్వముపేయివాన్॥ 13-156-11(87421)
తస్య వాహయతః కాలో మునిముఖ్యాంస్తపోధనాన్।
అహంకారాభిభూతస్య సుమహానత్యవర్తత॥ 13-156-12(87422)
అథ పర్యాయశః సర్వాన్వాహనాయోపచక్రమే।
పర్యాయశ్చాప్యగస్త్యస్య సమపద్యత భారత॥ 13-156-13(87423)
అథాగత్య మహాతేజా భృగుర్బ్రహ్మవిదాంవరః।
అగస్త్యమాశ్రమస్థం వై సముపేత్యేదమబ్రవీత్॥ 13-156-14(87424)
ఏవం వయమసత్కారం దేవేంద్రస్యాస్య దుర్మతేః।
నహుషస్య కిమర్థం వై మర్షయామ మహామునే॥ 13-156-15(87425)
అగస్త్య ఉవాచ। 13-156-16x(7316)
కథమేష మయా శక్యః శప్తుం యస్య మహామునే।
వరదేన వరో దత్తో భవతో విదితశ్చ సః॥ 13-156-16(87426)
యో మే దృష్టిపథం గచ్ఛేత్స మే వశ్యో భవేదితి।
ఇత్యనేన వరం దేవో యాచితో గచ్ఛతా దివం॥ 13-156-17(87427)
ఏవం న దగ్ధః స మయా భవతా చ న సంశయః।
అన్యేనాప్యృషిముఖ్యేన న దగ్ధో న చ పాతితః॥ 13-156-18(87428)
అమృతం చైవ పానాయ దత్తమస్మై పురా విభో।
మహాత్మనా తదర్తం చ నాస్మాభిర్వినిపాత్యతే॥ 13-156-19(87429)
ప్రాయచ్ఛత వరం దేవః ప్రజానాం దుఃఖకారణం।
ద్విజేష్వధర్మయుక్తాని స కరోతి నరాధమః॥ 13-156-20(87430)
తత్ర యత్ప్రాప్తకాలం నస్తద్బ్రూ వదతాంవర।
భవాంశ్చాపి యథా బ్రూయాత్తత్కర్తాస్మి న సంశయః॥ 13-156-21(87431)
భృగురువాచ। 13-156-22x(7317)
పితామహనియోగేన భవంతం సోఽహమాగతః।
ప్రతికర్తుం బలవతి నహుషే దర్పమోహితే॥ 13-156-22(87432)
అద్య హి త్వాం సుదుర్బుద్ధీ రథే యోక్ష్యతి దేవరాట్।
అద్యైనమహముద్వృత్తం కరిష్యేఽనింద్రమోజసా॥ 13-156-23(87433)
అద్యేంద్రం స్థాపయిష్యామి పశ్యతస్తే శతక్రతుం।
సంచాల్య పాపకర్మాణమైంద్రాత్స్థానాత్సుదుర్మతిం। 13-156-24(87434)
అద్య చాసౌ కుదేవేంద్రస్త్వాం పదా ధర్షయిష్యతి।
దైవోపహతచిత్తత్వాదాత్మనాశాయ మందధీః॥ 13-156-25(87435)
వ్యుత్క్రాంతధర్మం తమహం ధర్షణామర్షితో భృశం।
అహిర్భవస్వేతి రుషా శప్స్యే పాపం ద్విజద్రుహం॥ 13-156-26(87436)
తత ఏనం సుదుర్బుద్ధిం ధిక్శబ్దాభిహతత్విషం।
ధరణ్యాం పాతయిష్యామి పశ్యతస్తే మహామునే॥ 13-156-27(87437)
నహుషం పాపకర్మాణమైశ్వర్యబలమోహితం।
యథా చ రోచతే తుభ్యం తథా కర్తాస్ంయహం మునే॥ 13-156-28(87438)
ఏవముక్తస్తు భృగుణా మైత్రావరుణిరవ్యయః।
అగస్త్యః పరమప్రీతో బభూవ విగతజ్వరః॥ ॥ 13-156-29(87439)

ఇతి శ్రీమన్మహాభారతే అనుశాసనపర్వణి దానధర్మపర్వణి షట్పంచాశదధికశతతమోఽధ్యాయః॥ 156 ॥

Mahabharata - Anushaasana Parva - Chapter Footnotes

7-156-7 లాజాభిః। ఆర్షం స్త్రీత్వం॥ 7-156-10 అథేంద్రస్య భవిష్యత్వాదహంకారః సమావిశత్ ఇతి ధ.పాఠః॥ 7-156-18 న శప్తో వినిపాతిన ఇతి థ.ధ.పాఠః॥ 7-156-26 శపిష్యే పాపమోహితమితి థ.ధ.పాఠః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.